Inndæling í sprungur – Hvernig er það gert og hvað kostar það? (2026)

Sprungur í steypu og múr eru algengur vandi í íslenskum húsum – jafnt í nýbyggingum sem eldri fasteignum. Hvort sem um er að ræða sprungur í kjallaragólfi, útveggjum eða sökkli, þarf að bregðast skjótt við til að koma í veg fyrir rakaskemmdir, myglu og frekara niðurbrot á byggingunni.

Hjá Skrautsteypu sérhæfum við okkur í inndælingu í sprungur á höfuðborgarsvæðinu. Hér er yfirlit yfir tæknina og hvernig hún sparar þér stórar fjárhæðir.

Hvað er inndæling í sprungur?

Inndæling (e. crack injection) er tæknileg aðferð þar sem sérhæft viðgerðarefni er dælt undir miklum þrýstingi inn í sprungur í steypu eða múr. Efnið smýgur inn í minnstu hárfínar sprungur, fyllir þær að fullu, harðnar og skapar varanlega þéttingu.

Hvenær þarf inndælingu?

Inndæling er nauðsynleg þegar eftirfarandi kemur upp:

• Sprungur í kjallaragólfi eða -veggjum: Sérstaklega ef sjáanlegur raki eða kalkútfellingar (hvítt púður) eru byrjuð að koma í gegn.

• Sprungur í sökkli: Vatnsþrýstingur úr jarðvegi að utan þrýstir raka jafnt og þétt inn í gegnum óvarðar sprungur.

• Sprungur í steyptum útveggjum: Hér á landi veldur frostþensla því að litlar sprungur verða fljótt að stórum skemmdum ef vatn kemst í þær.
  

Við greinum á milli tveggja gerða af sprungum:

• Virkar sprungur: Sprungur í byggingarhlutum sem eru enn á hreyfingu (t.d. vegna hitasveiflna eða sigs). Þær krefjast sveigjanlegra efna.

• Óvirkar sprungur: Fastar sprungur þar sem steypan hefur náð stöðugleika og aðeins þarf að loka á móti raka eða endurheimta burðarþol.
  

Hvaða efni eru notuð í viðgerðina?

Í stað þess að nota sömu blönduna í allt, veljum við efni algjörlega eftir eðli sprungunnar:

• Epoxý inndæling: Notað fyrir óvirkar sprungur. Epoxýið límir steypuna saman af gífurlegum krafti og endurheimtir upprunalegt burðarþol virkisins.

• Pólýúretan (PU) froða: Notað fyrir virkar sprungur og þar sem rakaþétting er í fyrirrúmi. Efnið þenst út í snertingu við vatn, lokar fyrir lekann og helst teygjanlegt.

  
  

Hvernig fer inndæling fram? (Skref fyrir skref)

Ferlið krefst nákvæmni og tekur yfirleitt nokkrar klukkustundir, allt eftir umfanginu:

1. Skoðun og greining: Við metum ástand sprungunnar og hvort raki sé til staðar.

2. Borun: Lítil göt eru boruð með reglulegu millibili og í ákveðinni gáðu meðfram sprungunni til að ná inn í miðja steypuna.

3. Inndælingarniplar festir: Sérstakir nipplar eru skrúfaðir fastir í boruðu götin. Þeir virka sem einstefnulokar.

4. Inndæling undir þrýstingi: Efnið er dælt inn í gegnum nipplana með öflugri dælu. Við byrjum neðst og vinnum okkur upp þar til efnið flæðir út úr næsta gati, sem tryggir að sprungan sé 100% fyllt.

5. Frágangur: Þegar efnið hefur harðnað eru nipplarnir fjarlægðir og múrað í götin.
   

Hvað kostar inndæling í sprungur?

Þar sem engar tvær sprungur eru eins, fer endanlegur kostnaður alltaf eftir umfanginu. Inndæling er hátæknileg aðgerð sem krefst sérhæfðs háþrýstibúnaðar og sérstakra efna, auk þess sem ferlið tekur alltaf tvo daga (dælt á degi 1, nipplar fjarlægðir og múrað í sárin á degi 2).

Vegna þess vinnu-, tækja- og mætingakostnaðar sem fylgir þessu tveggja daga ferli, er lágmarkskostnaður eða startgjald 199.900 kr. (án VSK).

Hvað er innifalið í startgjaldinu? Startgjaldið er ekki bara mætingargjald – það dekkar allt að 6 metra af sprunguviðgerðum, ásamt allri vinnu við frágang á degi tvö! Þar sem flestar sprungur í heimahúsum eru á bilinu undir 5 metrum samtals, þýðir þetta að langflestir viðskiptavinir lenda innan startgjaldsins og fá verkið klárað á því verði. Athugið: Miðað er við hefðbundið aðgengi þar sem ekki þarf að nota vinnupalla eða lyftur.

Ef um stærri verkefni er að ræða þar sem sprungurnar mælast samanlagt meira en 6 metrar, bætast við 29.900 kr. (án VSK) á hvern lengdarmetra umfram það.

Get ég gert þetta sjálfur?

Stutta svarið er nei. Tæknileg inndæling krefst sérhæfðs háþrýstibúnaðar og reynslu. Ef þú reynir að „múra yfir“ sprunguna að utan, lokarðu aðeins yfirborðinu. Raki mun halda áfram að safnast fyrir inni í steypunni og frostið mun rífa viðgerðina af í fyrsta vetrarhretinu.

Þegar burðarvirki eða rakavarnir hússins eru í húfi borgar sig alltaf að fá fagmann.

Af hverju að velja Skrautsteypu?

• Sérhæfð þekking: Við höfum ára reynslu af sprunguviðgerðum og inndælingu á Íslandi.

• Rétti búnaðurinn: Við notum eingöngu vottaðar háþrýstidælur og hágæða efni sem standast íslenska veðráttu.

• Gagnsæi: Engin falin gjöld – skoðun á staðnum og ráðgjöf er þér að kostnaðarlausu.

Ertu með sprungu sem þarfnast skoðunar?

Ekki bíða þar til næsta haust. Hafðu samband við okkur hjá Skrautsteypu strax í dag og við mætum til þín í skoðun.

Sími: 5469100 info@skrautsteypa.is

Hafa Samband

Sjá einnig: Lekaviðgerðir, Flotun, Steypt bílaplön