Hvað kostar flotun á gólfi á Íslandi?
- May 24
- 3 min read
Ef þú ert að fara í gólfendurnýjun er flotun oft fyrsta skrefið og eitt það mikilvægasta. Ójafnt undirlag eyðileggur dýrt parket og dregur úr líftíma flísa. En hvað kostar flotun á gólfi í Reykjavík og hvað hefur mest áhrif á kostnaðinn?
Hér er raunhæft yfirlit yfir það sem þú þarft að vita árið 2026.
Hvað kostar flotun á gólfi?
Verð á flotun fer eftir fermetrafjölda, þykkt flotsins og ástandi gólfsins. Sem gróft viðmið er vinnukostnaður við einfalda afréttingu yfirleitt á bilinu 1.700–2.900 kr. á fermetra (án VSK).
Þar sem oftast þarf að slípa gólfið upp á undan til að tryggja að flotið tolli fullkomlega, bætast yfirleitt við um 1.000 kr. á fermetra (án VSK) fyrir gólfslípun. Efniskostnaður bætist svo við og ræðst algjörlega af umfanginu.
Helstu tegundir af flotun:
Afréttingarflot (3–15 mm þykkt): Notað í íbúðir og á baðherbergi. Tilvalið til að jafna undirlag fyrir parket, flísar eða dúk.
Þykkfleyta (15–40 mm þykkt): Notað yfir gólfhitalagnir, í nýbyggingum eða þegar leiðrétta þarf mikinn halla á gólfi.
Sjónflot (3–10 mm þykkt): Hönnunargólf (hrátt steypuútlit) sem er mikið notað á nútímalegum skrifstofum, sýningarsölum og veitingastöðum.
Athugaðu: Því þykkara sem flotið er, þeim mun meira efni og vinna fer í verkið. Þykkfleyta yfir gólfhita er því dýrari á fermetra en einföld afrétting.
Hvað hefur mest áhrif á verðið?
Ástand gólfsins (Undirbúningur):
Ef gólfið er mjög ójafnt, gamall múr er brotinn eða límleifar eru til staðar, þarf mikinn undirbúning. Slípun, hreinsun og grunnun kosta tíma og fjármuni en tryggja að flotið tolli.
Þykkt flotsins:
Meira dýpi kallar á fleiri poka af efni. Ef lagðar hafa verið gólfhitalagnir þarf oft 25–40 mm þykkt lag til að hylja lagnirnar fyllilega.
Aðgengi og staðsetning:
Lítil rými, þröng stigahús eða verkefni ofarlega í háhýsum án lyftu geta hækkað vinnu kostnað þar sem erfiðara er að koma efninu og tækjunum að.
Stærðarhagkvæmni:
Stærri verkefni bjóða upp á lægra fermetraverð. Uppsetningar tíminn er sá sami hvort sem verið er að fleyta 50 eða 300 fermetra.
Þarft þú á flotun að halda?
Svarið er já, ef eitthvað af eftirfarandi á við um þitt gólf:
Munur á hæsta og lægsta punkti gólfsins er meiri en 3 mm.
Þú ert að setja gólfhitakerfi og þarft að steypa yfir lagnirnar.
Gamlar flísar hafa verið rifnar upp og undirlagið er skemmt eða holótt.
Þú vilt tryggja ábyrgð á nýju parketi, flísum eða gólfdúk (framleiðendur krefjast slétts undirlags).
Afleiðingin ef þú sleppir flotun: Ef gólfið er ójafnt munu fúgur springa, flísar losna og parketfúgur gefa sig. Það er margfalt dýrara að rífa upp nýtt gólfefni til að leiðrétta undirlagið eftir á.
Algengar spurningar
Get ég flotað yfir gamlar flísar?
Já, en aðeins ef þær eru pikkfastar. Bankaðu létt í flísarnar. Ef hljóðið er dauft og holt er það merki um að þær hafi losnað frá undirlaginu og þá verður að rífa þær upp. Ef þær eru fastar, slípum við yfirborðið og grunnum það með sérstökum flísagrunni áður en flotað er.
Flotun og gólfhiti — hvað þarf að varast?
Þegar flotað er yfir hefðbundnar gólfhitalagnir þarf að þykkfleyta (venjulega 25–40 mm heildarþykkt) svo flotið nái öruggri þekju yfir rörin. Rétt vinnubrögð tryggja jafna hitadreifingu um allt húsið og koma í veg fyrir að gólfið springi undan hitasveiflum þegar kerfið þenst út.
Athugaðu: Þessi þykka flotun á aðeins við þegar gólfhitarörin eru lögð ofan á plötur eða ílögn. Ef gólfhitinn er hins vegar fræstur í steypuna, þarf aðeins örfáa millímetra af floti til að loka raufunum og gera gólfið tilbúið fyrir parket eða flísar.
Af hverju að velja Skrautsteypu?
Við hjá Skrautsteypu sérhæfum okkur í flotun, múrverki og flísalögnum á höfuðborgarsvæðinu. Við mætum til leiks með reynslu, réttu tækin og fagmennsku að leiðarljósi.
Sérhæfður tækjakostur: Við mætum með dælubíla eða viðeigandi hrærivélar sem tryggja fullkomna blöndun.
Gæðaefni: Við vinnum eingöngu með viðurkennd gæðaflot sem endast.
Kostnaðarlaust tilboð: Við mætum á staðinn, mælum rýmið og gefum þér fast verð.
Fáðu tilboð í þitt gólf strax í dag
Ertu að byggja eða endurnýja? Ekki taka sénsinn á ójöfnu gólfi. Hafðu samband við Skrautsteypu og við gerum þér kostnaðarlaust og skuldbindingarlaust tilboð.
Sími: 546-9100 Info@skrautsteypa.is
Sá einning Steypt bílaplön, Flísalögn.
